अनलाइन रेमिट

विदेशमा रहेका नेपालीहरुलाई सुविधा प्रदान गर्नकालागि बैंकको आफ्नै विप्रेषण सेवा सञ्चालनमा रहेको छ । खाडी मुलूक तथा दक्षिण एशियाका मुलूकहरुमा रहेका गैरआवासीय तथा श्रमजीवी नेपालीहरुलार्ई विप्रेषण सुविधा उपलब्ध गराउनकालागि एभरेष्ट बैंक अग्रस्थानमा रहेको छ । बैंकको विदेशस्थित विनिमय तथा विप्रेषण कम्पनीहरुसँग विशेष सम्झौता तथा व्यवस्था छन् जसका माध्यमबाट यहाँहरुकोे बचत सुरक्षित र छिटो हाम्रो शाखा तथा बैंक प्रतिनिधिहरु मार्फत यहाँहरुको आफन्त तथा परिवारसम्म सजिलै पुर्याउन हामी सजग र सचेत छौं ।
यस बैकले विप्रेषण सेवा प्रदान गर्ने उद्देश्यले धेरै नेपाली श्रमिकहरु रहेका मध्यपूर्वका विनिमय /विप्रेषण कम्पनीहरुसँग सहकार्य गरेको छ । मध्यपूर्वबाट बढ्दो विप्रेषण आप्रवाह तथा उत्तिकै बढ्दो गैरकानुनी रकमान्तरहरु जस्तै हुन्डीलार्ई मध्यनजरगर्दै यस बैंकले अफ्नै विप्रेषण सेवा सुरु गर्ने अग्रसरता लिएको हो । यस अनुरुप सन् २००६ जुलाई २५ तारिकदेखि बैंकले आफ्नै “EVEREST REMIT” नामक विप्रेषण सेवा सुरु गरेको हो । अहिले हामी दुबई, कतार, बहराइन, कुवेत, मलेसिया, अमेरिका, जापान, दक्षिणकोरिया तथा बेलायतमा छरिएर रहेका विभिन्न कम्पनीहरुबाट प्राप्त रकम देशैभरि रहेका प्रतिनिधिहरुको सञ्जाल मार्फत् यहाँहरुकोे घर दैलोसम्म पुर्याउदछौं ।